ကောင်း---ကောင်းကင်အပြား၊ မှ ကောင်းဟန် ၃-စု။

ကောင်းကင်အပြား၊ မျိုးလေးပါး၊ ထင်ရှား အာကာသ။ ။ ၎င်းင်းသရုပ်ကို (အာကာသ ၄-မျိုး)၌ ဆိုခဲ့ပြီ။

ကောက်---ကောက်ဦးဒါနမျိုး မှ ကောက်လျင်မျိုး

ကောက်ဦးဒါနမျိုး ၉-ပါး။ ။ ဤသာသနာ၌ တရားဦးသိသူ အရှင်ကောဏ္ဍညနှင့် မြတ်ဘုရားထံ နောက်ဆုံးတရားထူးခံယူသူ သုဘဒ္ဒပရိဗိုဇ်တို့ ၀တ္ထုကြောင်း၌ အကျယ်ယူပါ။
(၁) ကောက်ဦးနို့ရည်ထည့်သော စပါးတို့ကို ခွဲထုတ်ညှစ်ယူ၍ ပျားထောပတ်တို့ ရောက်စပ်လျက်"ကောက်သားဦး" လှူခြင်း၊
(၂) မုန့်ဆန်းထောင်းကာ ပေးလှူခြင်း၊
(၃) ကောက်ရိတ်ကောက်ဆုပ်တို့ကိုစု၍ "ရိတ်ဦးဆွမ်း"ပေးလှူခြင်း၊
(၄) ကောက်လှိုင်းထုံးဖွဲ့သောအခါ ရှေးဦးစွာသော ကောက်လှိုင်းများကိုပေးလှုခြင်း၊
(၅) ကောက်လှိုင်းများစုပုံသောအခါ "ကောက်ပုံဦး"ဒါနကိုပြုခြင်း၊
(၆) စပါးနယ်သောအခါ"ကောက်နယ်ဦး"ဒါနကို ပေးလှူခြင်း၊
(၇) နယ်ပြီး လှေ့ပြီး၍ တလင်းပြင်၌ စုပုံသောအခါ "စပါးပုံဦး"ဒါနကိုပေးလှူခြင်း၊
(၈) ကျီအတွင်းသို့ သွင်းသောအခါ "ကျီဦး"ဒါနကို ပေးလှူခြင်း၊
(၉) ကောက်စပါး စတင် စိုက်ပျိုးသောအခါ မျိုးစပါးထဲမှ အဦးအဖျားကိုယူ၍ "မျိုးဦးဆွမ်း"ဒါနကို ပေးလှူခြင်း ဟူ၏။

ကော---ကောဋုဟလမျိုး ၅-ပါး။ မှ ကောသလအိမ်မက်

ကောဋုဟလမျိုး ၅-ပါး။ ။ ခုဒ္ဒကပါဌအဋ္ဌကထာ။ ၁၀၁။ သုတ္တနိပါတ်။ ဋ္ဌ။ ဒု-အုပ်။ ၃-တို့၌ ရှုပါ။ တစ်စုံတစ်ခုသောသတင်းစကား၏ ရှေ့ပြေးနိမိတ်ç နောက်ခါဖြစ်ပေါ်ရန် ကျော်ကြားခြင်း ပဲ့တင်သံ ၅-ပါး။ "ကောလာဟလ"ဟုလည်းခေါ်၏။
(၁) ဗုဒ္ဓ ကောလာဟလ- ဘုရားမပွင့်မီ နှစ်ပေါင်းတစ်ထောင်က ကျော်ကြားသောပဲ့တင်သံ၊
(၂) ကပ္ပ ကောလာဟလ- ကမ္ဘာမပျက်မီ နှစ်ပေါင်းတစ်သိန်းက ကျော်ကြားသောပဲ့တင်သံ၊
(၃) စက္က၀တ္တိကောလာဟလ- စကြာမင်းမပေါ်မီ နှစ်ပေါင်းတစ်ရာက ကျော်ကြားသောပဲ့တင်သံ၊
(၄) မောနေယျ ကောလာဟလ-မောနေယျအကျင့်ကို မေးလျောက်ကျင့်ကြံသော ပုဂ္ဂိုလ်မပေါ်မီ ၇-နှစ်က ကျော်ကြားသောပဲ့တင်သံ၊
(၅) မင်္ဂလကောလာဟလ-မင်္ဂလာတရားမဟောမီ ၁၂-နှစ်ကာလမှ ကျော်ကြားနေသောပဲ့တင်သံ။

ကု---ကုံကုမံမျိုး ၄-ပါး။ မှ ကူဋမျိုး ၃-ပါး။

ကုံကုမံမျိုး ၄-ပါး။ ။ ထိုထိုဆေးကျမ်းတို့၌ "ကုကုင်္ မာလာ" ခေါ် ကုံကုမံမျိုးကို အောက်ပါအတိုင်း ၄-မျိုးခွဲခြား၍ပြကုန်၏။
(၁) ကုမုဒ္ဒရာ ကုံကုမံ၊
(၂) ပဒုမ္မာ ကုံကုမံ၊
(၃) ကုသုမာ ကုံကုမံ၊
(၄) ကုကုင်္မာ ကုံကုမံ။

ကိ---ကိကီမင်းကြီး မှ ကိလေသာ ၁၅၀၀။

ကိကီမင်းကြီး၏ သမီးတော် ၇-ယောက်။ ။ ဇာတ်အဋ္ဌကထာ သတ္တမအုပ်၊ ၂၄၃-၌ ရှုပါ။ ကဿပဘုရားရှင်လက်ထက်၌
(၁) သမဏီ၊
(၂) သမဏ ဂုတ္တာ၊
(၃) ဘိက္ခုနီ၊
(၄) ဘိက္ခုဒါယိကာ၊
(၅) ဓမ္မာ၊
(၆) သုဓမ္မာ၊
(၇) သံဃဒါသီ။
ဂေါတမမြတ်စွာဘုရားလက်ထက်တော်၌၊
(၁) ခေမာ၊
(၂) ဥပ္ပလ၀ဏ်၊
(၃) ပဋာစာရီ၊
(၄) ဂေါတမီ၊
(၅) ဓမ္မဒိန္နာ၊
(၆) မဟာမာယာ၊
(၇) ၀ိသာခါ။

ကာ---ကာကနီ မှ ကာလိက ၄-ပါး။

ကာကနီခေါ်၊ စုန်းမကျော်၊ ၄-ဖေါ်အဘယ်နည်း။ ။ ကာကနီကား စုန်းမဟုတ်၊ နဖူးစီး မှန်ကူပါသော နတ်စိမ်းမျိုးသားဖြစ်သည်၊ ယခုခေတ် မင်းညီနောင် ဘိုးမင်းကျော် ဦးရှင်ကြီး စသည်တို့လို အစားမျိုးဟုမှတ်ရာ၏၊အကျယ်ကို သဒ္ဒကပ္ပဒုမ ခေါ် လောကီကျမ်း၌ ရှုလေ။
(၁) ဒေ၀ ကာကနီ- အောက်တန်းစား နတ်ဆိုးနတ်ယုတ်များ၊
(၂) ဗျဂ္ဃကာကနီ- ကျားနှင့်ယှဉ်သော နတ်စိမ်းများ၊
(၃) ယက္ခ ကာကနီ- ဘီလူး သရဲဖုတ် ပြိတ္တာကြီးများ၊
(၄) ဣန္ဒ ကာကနီ- ထိုကာကနီတို့၏ အကြီးအကဲနတ်စိမ်း။

က---ကင်းစီးအနက်၊ မှ ကသိုဏ်း ၁၀-ပါး။

ကင်းစီးအနက်၊ မျိုး ၄-ချက်၊ တင်ဆက်ဖြေတော်မူ။ ။ " င် " ဟူသော ငသတ်ဗျည်းကို ဂဏန်းအက္ခရာပေါ်၌ တင်ထားလျှင် ကင်းစီးခေါ်၏၊
(၁) တင်း ကင်းစီး -၁င်္ ၂င်္ ဆန် ပဲစသည် ချင်တွယ်ရာ၌ တစ်တင်း နှစ်တင်း အနက်၊
(၂) တောင် ကင်းစီး ၁င်္ ၂င်္ သစ် ၀ါးစသည်တိုင်းရာ၌ တစ်တောင် နှစ်တောင် အနက်၊
(၃) အင်္ဂါကင်းစီး- ၁င်္ ၂င်္ ပေစာ၌ တစ်အင်္ဂါ နှစ်အင်္ဂါဟူသောအနက်၊ က-မှ ကား-အထိ ၁၂-ရွက်ကို တအင်္ဂါ ခေါ်သည်။
(၄) ဇင်း ကင်းစီး ၁င်္ ၂င်္ ပိတ်ဖျင်တို့၌ တစ်ဇင်း နှစ်ဇင်းဟူသော အနက် "၂၄-တောင်ရှိသော ဖျင်အုပ်ကို တစ်ဇင်းဟုခေါ်၏"။